| ثانيا: الشيخ مشعان بن مغيلث بن منديل الهذال من مشائخ قبيلة عنزة فهو شاعـر وفارس قتل في الشماسية سنة 1240هـ وهذه القصيدة المسماة الشيخة قالها بعد أن اقحطت ديار عنزة ورحل بهم إلى الشمال فتجول فترة من الزمن ثم عاد وهذه القصيدة يعدد بها بعض الديار التي داجوا بها خلال فترة رحيلهم عن نجد وقد أرسل له الشيخ ماجد بن عريعر أمير ألأحساء آنذال وشيخ بني خالد يطلب منه الرجوع ويخبره أن ديارهم قد نزلت من قبل بعض القبائل فعاد بالجهامة إلى الديار ونزل بها ورحلت القبائل التي كانت نازلة بالديرة وقال يوصف جميع ما جرى في هذه القصيدة يالله يـــا مـديــر الـهـبـايـب والأدوار شانك عسى تصريف شانك لنـا خيـر يــا الله يــا عـالـم خفـيـات الأســرار يـا معتـنـي بالخـلـق والــي المقـاديـر قلتـه ونـوم العيـن عـن جفنـهـا طــار والقلـب كنـه فـوق حامـي المجامـيـر مـن هاجـس بالقلـب مـا نمـت سهّـار نــادي نـذيـرات الهواجـيـس وانـديـر وأنـديـر حـيـلات بـالأريـا وتـبـصـار وأرجي مـن البـاري عساهـا مسافيـر لـولا شفاتـي فيـك يـا نجـد مـا أحتـار فـكـري ولا كـثـرت عـلـي التفـاكـيـر نـجـد العـذيـه دارنــا مـابـهـا أنـكــار لوحـدنـا عنـهـا الـمـحـل والمـداهـيـر جانـا الخبـر يـا لابتـي ولـيـت الــدار حلوبـهـا الأجـنــاب هـــم والبقـاقـيـر كـنـا بنـجـد ديـارنـا مـثــل الأســـوار نأمـر وننهـا نحمـي الـجـار وأنجـيـر حامينهـا فـي لابــة تسـقـي الأمــرار عـدوهـم شــاف النـكـد والمخـاسـيـر حنـا الـذي ترجـع لنـا كــل الأشــوار اليـا صـار بالقـالات شّـوار وأمشيـر حـنـا بـنـي وايــل بعيـديـن الأخـبــار اليـا تــلا قــوا بالجـمـوع المشاهـيـر حنـا أهـل الجمـع المسمـى اليـا سـار مركاضنـا يشبـع بـه الذيـب والطـيـر سـارن بنـا الزرفـات بقـبـال وأدبــار من الغوطة الفيحـا إلـى غشلـة الديـر مـابـيـن مـسـنـادٍ ومـابـيــن مــحــدار يـا مـا قطعـنـا بدربـنـا مــن مشـاويـر يــا مــا تعليـنـا عـلـى قــب الأمـهـار وعيـرات الأنـضـى كنـهـن السنانـيـر يهـومـن هـومـاتٍ بعـيـدات وأعـسـار وكـم ذيـرن مـن غافـل مـا بعـد ذيــر وكم فاجـن العـدوان غـرات وأجهـار ويـا مـا تنحـوا عـن نحـاهـن مدابـيـر ظـعـايـنٍ حــطــن مــلــك بـسـنـجـار وبنـن علـى الخابـور زيـن الدواويـر وتواهلـن الـزور حصـن لـهـن كــار ومـن البطيـن اليـا الرهـا والمعامـيـر وكتن مع الحاوي وداجـن بالأمصـار وخــذن خفـارتـهـن بـفـكـر وتـدابـيـر حطن على السلمان طيحات الأمطـار وصارت لهن خضرا ولينـه محاديـر وأقفـن وكالـن مـن شثـاثـا بالأسـعـار وحـطـن لمـلـوم المسّـمـى مصـاديـر ومـرن علـى رجـم الهيـازع وسـنـار هاجن وماجن ثم داجـن علـى ضميـر راجن على الشنبل وداسـن الأخطـار وهدن به العاصـي بعسـر ومخاسيـر ثــم أنتـحـن مــع كـفـة الـشـط عـبـار ثـم أنتـون مـع روس هــاك العناقـيـر بقطعـان يـنـون الخطـايـط والأ قـفـار ايطيـرن جـول الحـبـاري المخامـيـر نـروم مــن زيــن المـنـازل ونخـتـار ونسـتـارد الـخـوة بـحـدب البـواتـيـر قطعـانـنـا تـرعــى زمـالـيـق نــــوار اليـا مـا غـدى فـوق الأباهـر قناطـيـر نلقـا بـدال الـدار كــان الـزمـن جــار ديــد العـسـل فيـهـا تعـيـش المفاقـيـر دار بـهـا بالقـيـض غــدران وأنـهــار والتمـن المجـروش ملـي الجواخـيـر مثل المسوح اللي ترزّم علـى حـوار دار مـريـه بالشـتـاء تسـمـن الضـيـر حتى نخونا اللـي علـى نجـد حضّـار وجتنـا رسالـه مـن زبـون المقاصيـر مـن ماجـد بـن عريعـر حـر الأوكـار شـيــخ لـنــا عـنــده مـعــزه وتـقـديـر الشيخ اللي حيّف على البيض بالغـار يـقـول ولـيـت داركــم يـــا لمنـاعـيـر أولاد عــم ومــا حـذانـا لـهــم جـــار وحنـا عليهـم نحمـي الجـار وانجـيـر لابــــد مــــا نــاتــي لـبـانــات زوار مـن ديـرة ثميـل وشثاثـا وأبــا القـيـر والعايل اللي ضـاع فكـره والأبصـار جينـاه بـأسـلاف الجـهـام ومضاهـيـر خلـن فـوق الشبـك عـج الرمـك ثــار وحلـوا هــاك الـيـوم خــز المغاتـيـر وأركن على ورد الدجاني لهـب نـار وغدوبـهـا الـويـلان مـثـل الـمـداويـر وشــدن وحـطـن الثمـامـي بالأيـسـار وخلن على العـدوان مثـل المعاصيـر نبغـي يصيـر بنزلهـم مثـل مـا صــار ذبــح الشـفـايـا وأغـتـنـام الـخـواويـر وأبـــا 000أصـبــح مـقـيـم ولا ثـــار وجابـن حــلال المحـمـرة وال0000 كسـيـرة مــا قــط ذكــرت بـالأذكــار فيهـا القـلايـع مـثـل روس الخنـازيـر صحنـا عليهـم صيحـة باللـقـا الـحـار حتـى جبرنـاهـم عــن الــدار تجبـيـر جينـاه مثـل السـيـل طـمّـام الأوعــار اليامـا غـدت عنـه الـبـوادي شعاثـيـر وهــج المـعـادي مــا لقـيـنـاه بـالــدار زبـن علـى الحـرة وذيــك الشناخـيـر وصـلاة ربـي عـد مـا بالسمـاء طـار وأعداد ما وردت ظوامي على البيـر على الرسول المصطفى سيد الأبرار نــور العـبـاد الـلـي يشـيـع التباشـيـر لا الله الا انت سبحانك انى كنت من الظالمين وهذه القصيدة الثالثة التي تسمى الشيخة للشاعر محمد بن حسين الدسم في الحكمة والموعظة من تجارب الحياة وهذه القصيدة الشاعر يوصي أخيه أبو زعزوع فيقول : يا أخوي لك عندي وصاة مصيبـه ترى وصاتي تلمس العقل وتصيب ترى وصاة أخـوك مابـه معيبـه ما دام أخوك مكمل العقل وامنيـب لا بد أموت ولا ذرى تتقـي بـه وأخشى توازى للدروب الضنابيب سمـر الليالـي مـا تعلـم بغيبـه ولا يعلم الا صاحب العلم بالغيـب ودي تحّرص عن بلا كـل ويبـه ويصير بك عرف وكمال وتأديـب ولا المقدر صار مـا ينحكـي بـه ما ينمحي هذا مـن الله مكاتيـب أول وصاتي بالفـروض الوجيبـه صوم وصلاة وأد كـل المواجيـب وثاني وصاتي للأمـور الصعيبـه أصبر وبأمر الله تهون المصاعيب جرح عبي له مـا يكلـف طبيبـه ولا فيه شي الا مضالـه تجاريـب وثالث وصاتي تلعـةٍ ينعـدي بـه تلقـى عليهـا بينـات المساريـب واللي عدابه ذيب من بطن ذيبـه ولا واحدٍ عدابها غير هـو ذيـب ترى هذاك العرف من غير ريبـه راعيه ما يطلب ولا لـه مطاليـب ورابع وصاتي كثرة الهرج خيبـه هرج بلا معناه مسموج وايخيـب لا صار ما عندك علـوم غريبـه وسط الرجال ترتب الهرج ترتيـب وخامس وصاتي خفة الرجل عيبه من كثر الدوجات يركض له العيب أن كان ما عنـدك لـوازم تجيبـه تنحر لزومك كان ما جاك واتجيب وسادس وصاتي لك معزه وهيبـه عليك بسفن البر حرش العراقيـب ولا يعجبك زبد الغنـم والرويبـه ترغب لحوش الضأن وتخلي النيب راعي الغنم يشيب من قبل شيبـه والبل معزة تجلي الهـم والشيـب إلى اشلهب الوقت لو هـو حليبـه يوصلك لديار الهنـا والتعاجيـب وسابع وصاتي كان صابتك سيبـه وتقدر على كثر الثمن والمطاليـب بنت الحمولة والأصيـل العريبـه اللي اقتناهن نال لـذة وترغيـب واللي اقتنا بنت الـردي والهليبـه أصبح بهم وجنب الربـح تجنيـب والعوز يرث لـك مذلـه وريبـه أردى الرجال اللي يسمونه السيب عليك بالسقمة ولـو هـي تعيبـه ما دام بك حيـل تنـط المراقيـب ترى كثيـر المـال كلـن حبيبـه ينقال له فت جاي لو ما فعل طيب ومن قل ماله صار شنٍ أروي بـه لو كان طيّب يكثرن به شواذيـب وثامن وصاتي علمها ينحري بـه ترى الدروب الفاسدة فعلها ريـب درب الدنس والعايـزة والقريبـه ترى هذيلن من كبـار العذاريـب ثنتين من داخى عليهن احكي بـه والعلم يضهر من أذان الأعاريـب مداخي على عرضه مثل شق جيبه ومداخي على وجهه تعيبه معاييب وتاسع وصاتي عن مناقر شريبـه لا صار ماهو من وساع المساريب خلـه ويلقـا بالمـوارد لعيـبـه عند الموارد يكثـرون اللواعيـب ومن دوّر العيلات غربل نصيبـه حسب حسابه من حساب المذاهيب ومن ترك الشيطان حقه غدي بـه ومن هاب طبات الملاعيب ما هيب عن واحدٍ يبـلاك أو تبتلـي بـه حديكـم يناحـر ديـار الأجانيـب وعاشر وصاتي كان حلت مصيبـه وبلاك ربك وابتلـوك المغاضيـب أحذر تمضي مـا تسمـى غليبـه أمض وتبيّن عن لحاق المشاعيب أزبن على حصن الرجال الصليبـه اللي يحلـون العقـود المناشيـب اللي زبنهم ما يجـي لـه طليبـه عده بعيطا عن سمـوم اللواهيـب وعندي وصايـا للعقـول اللبيبـه للي يضمه بالضلـوع المحاديـب الضيف ضيف الله وصابه حبيبـه أستقبل ضيفك في تهلي وترحيـب قلط له الميسور وما هـان جيبـه وأحلف عن المذخور دين المعازيب وخويك اللي بالخـلا تبتلـي بـه خيال ولا فوق عـوج المصاليـب أو من مشى رجلي ولا له نجيبـه أو عورة يبلا بهـا عالـم الغيـب أصبر وراعي الصبر مشكور طيبه عند اللي يدور الفخر والمراتيـب وقصيرك اللي ما يصيبك يصيبـه وصابه الله له كرامـه وتوجيـب والعبد لا بد ما كتب لـه يصيبـه واللي تجنب تايح الرمي ما صيب الشيـوخ والحكـام زمـل منيبـه بهم عمار وقضي لازم وتخريـب ما ينومن من شان منهـم حليبـه عقب الصداقه ينقلب كنه الشيـب أهل خفايا وغيبهم مـا دري بـه يتحدرجون بدون عيـب وتذنيـب عشرانهم أهـل العلـوم العجيبـه وصدقانهم مروين حـد المغاليـب وأن كان ما حدا الثلاثـة تجيبـه مالك بهم والدرب شرق وتغاريـب خويهم ما يشتهـي نفـض جيبـه حكاي وجهيـن يقـص العراقيـب هـذي يوديهـا وهـذي يجيـبـه وهذي يسويها بين صدق وتكذيب واللي حكى بين الصحيب وصحيبه مخرب ويخرب بين ناس اصاحيب سوالفـه دايـم نميمـه وغيـبـه ولا يستحي كوبان من كلمة العيب راعي النقيلـي لا تـوارد قليبـه خل الردي ما فاد قربه ولا ايثيـب حذراك لا تنزل جوانـب شعيبـه وبالك تحطه ياأبو زعزوع بالجيب لا الله الا انت سبحانك انى كنت من الظالمين | |
|---|---|
| قصائد المعاناة قم بالدخول لتعلق |
| هني القلب وأنت الحب هدك | |
|---|---|
| مثل الثلوج الذايبة وسط الدروب |